जाहिरात ही पासष्ठावी कला मानली जाते. आजच्या आधुनिक जगाने मात्र बाकीच्या सर्व कलांना बाजूला बसवून जाहिरात कलेला राजसिंहासनाचा मान दिला आहे. या कलेच्याच जोरावर आज अनेक कंपन्या आणि त्यांची उत्पादने जगावर राज्य करत आहेत. वास्तविक त्याबाबत तक्रार करण्याचे कारणही नाही. परंतु आता या कलेने बीभत्सपणा व अश्लीलतेचा जो आधार घेतला आहे तो नक्कीच आक्षेपार्ह मानवा लगेल. कोणतेही उत्पादन घ्या, त्याची जाहिरात करण्यासाठी लैंगिकता, वासानांधता आणि स्त्री-देह प्रदर्शनाचा मार्ग व्यापारी कंपन्यांनी स्वीकारला आहे.