अश्रूंचा उत्सव...
By SameerBapu on मन मोकळे from https://sameerbapu.blogspot.com
सकाळची वेळ सरत आली होती. दादासाहेबाचा जीव पुरता कासावीस झाला होता. उन्हं कपाळावर तिरपी कलंडत होती आणि दादासाहेबाचे पाय पावलागणिक ढेकळात घसरत होते. त्याला या आधी असं कधीच झालं नव्हतं. तापलेली माती पायांना चटके देत होती. टाचेत चुके ठोकलेली कोल्हापुरी चप्पल चांगलीच रुतत होती. एक नजर त्यानं सगळ्या शिवाराकडे निरखून बघितलं. आवंढा गिळला, डोळ्याच्या पापण्यात जमा झालेलं पाणी खांद्यावरच्या गमछानं पुस
